اجمل حلم
عن نجلاء البوادي
نجلاء سليمان البابطين. اسم الشهره (البوادى)، سعودية الأب. سودانية الأم والنشاه السكن ام درمان خريجة علم نفس تربيه الأحفاد. متزوجه وأم عضو فى الكثير المنتديات العربيه والسودانيه لدى ثلاثه دواوين فى مرحلة التجميع والتنقيح اتمنى ان ترى النور قريبا اكتب الخواطر و القصه ولكن توقفت كى اكرس جهدى لكتابه الشعر لانى احسه أكثر كتبت فى فى جائحة كورونا وفزت بالمركز الأول فى الاذاعه الطبيه كتبت فى الوطن والأم والأب ومعظم القضايا الاجتماعيه. تغنى لى العديد من الفنانين الشباب ولدى العديد من النصوص تحت التلحين
صحيت وانا كنت بحلم بيك
لقيتك انت اغلى حبيب
موطن فى دواخلى دوام
وأجابد فى الهوى العربيد
وما بين مشتهاي والشوق
حروفك كانو أغلى قصيد
وأروع من عموم الناس
واحلام ببقى بيها سعيد
وفرحة عيد
ودنيا من الفرح واشجان
دنيا حنان ودنيا أمان
دى دنيا تفرهد الوجدان
تحس انك معاك انسان
دا ما انسان
دا جد انسان
فيه من الصفات الوان
حاتم من تلاميذك
ايديك فى الكرم عنوان
منبع طيبه حاجه عجيبه
خلقوك والفرح سيان
خلقوك من عوالم تانيه
انت مع البشر شتان
وفرحه زول بعد غيبه
يلاقى حبيبه بى تحنان
وجد انسان
